Əmək Müfəttişliyi Xidməti 9 ayın hesabatını verib
Dövlət Əmək Müfəttişliyi Xidməti bu ilin yanvar-sentyabr aylarında 784 809 manat gecikdirilmiş sosial xarakterli ödənişlərin işçilərə ödənilməsini təmin edib. Həmin məbləğin 94,7 faizi gecikdirilmiş əmək haqları, 3,1 faizi sosial müavinət və kompensasiyalar, qalan hissəsi isə zərərə görə ödənclər olub.
Əmək və Əhalinin Sosial Müdafiəsi Nazirliyi bildirir ki, 9 ayda 20 nəfərin əmək müqavilələrinə qanunvericiliyin tələbləri pozulmaqla xitam verildiyi müəyyən edilib və həmin şəxslər işlərinə bərpa etdirilib.
