Azalan idxal hansı ölkələr üzrə çoxalıb?
2016-cı ilin yanvar-sentyabr aylarında Azərbaycanın idxalı ötən ilin 9 ayına nisbətən 5,89% geriləyib. Novator.az Dövlət Gömrük Komitəsinin hesabatına istinadla bildirir ki, Ukraynadan idxal 2015-ci ilin yanvar-sentyabr ayları ilə müqayisədə 12,84% azalıb. Almaniyadan idxalda 44,87%, Fransadan idxalda 26,53%, ABŞ-dan idxalda 49,66% geriləmə var. İsraildən idxal 34,26% azalıb.
Bəzi ölkələrdən isə idxal artıb. Türkmənistandan idxalda 42,41%, Qazaxıstandan idxalda 18,95%, Moldovadan idxalda 10,62%, Özbəkistandan idxalda 10,29% artım qeydə alınıb.
Avropa İttifaqına nəzər salanda Böyük Britaniyadan idxalın 25,12%, Macarıstandan idxalın 47,63%, Xorvatiyadan idxalın 42,88 dəfə çoxaldığını görmək olar.
Digər ölkələrə gəlincə, Birləşmiş Ərəb Əmirliklərindən idxal 18,75%, Braziliyadan idxal 78,79%, Çindən idxal 33,24%, İrandan idxal 59,52% artıb.
