Xarici qrantda “bir pəncərə” prinsipinə keçildi
Oktyabrın 21-də prezident İlham Əliyev fərman imzalayıb. Fərmana görə, 2017-ci il yanvarın 1-dən xarici donorların Azərbaycan Respublikasının ərazisində qrant verməsi prosedurunda “bir pəncərə” prinsipi tətbiq ediləcək.
“Bir pəncərə” prinsipi üzrə əlaqələndirici dövlət orqanının səlahiyyətlərinin həyata keçirilməsi kommersiya qurumlarına münasibətdə İqtisadiyyat Nazirliyinə, dini qurumlara münasibətdə Dini Qurumlarla İş üzrə Dövlət Komitəsinə, digər qeyri-kommersiya qurumlarına və fiziki şəxslərə münasibətdə Ədliyyə Nazirliyinə həvalə olunub.
Nazirlər Kabineti qrantın maliyyə-iqtisadi məqsədəmüvafiqliyinə dair rəyin əldə edilməsi prosedurunun sadələşdirilməsini, o cümlədən onun həm xarici donor, həm də resipiyentin müraciəti əsasında həyata keçirilməsini təmin etməlidir.
