Səudiyyə tarixində ilk dəfə kral ailəsinin üzvü edam edilib
Səudiyyə Ərəbistanının tarixində ilk dəfə kral ailəsinin üzvü edam edilib. Novator.az-ın məlumatına görə, Səudiyyə Ərəbistanının Xarici İşlər Nazirliyi şahzadə Türki ibn Səud əl-Kəbirin edam olunduğunu açıqlayıb.
Şahzadə 2014-cü ildə Səudiyyə Ərəbistanının vətəndaşı Ədil əl-Mhemitin qətlinə görə tutulmuşdu. Türki ibn Səud əl-Kəbir dostluq elədiyi Ədil əl-Mhemiti kütləvi dava zamanı güllələmiş və daha bir nəfəri yaralamışdı.
Türki ibn Səud əl-Kəbirin 2016-cı ilin on ayında Səudiyyə Ərəbistanında edam edilən 134-cü adam olduğu bildirilir. Beynəlxalq Əfv Təşkilatı 2015-ci ildə Səudiyyə Ərəbistanında 158 nəfərin edam edildiyini açıqlayıb.
Səudiyyə Ərəbistanında qətl, narkotiklərin dövriyyəsi ilə məşğul olmaq, silahlı soyğunçuluq, zorlama və küfr edamla cəzalandırılır.
