Reklamı qadağan olunan əmtəələrin siyahısı təsdiqlənib

19 Oktyabr 2016
comments
Redaktor
Posted in Xəbər

Nazirlər Kabineti reklamı qadağan olunan əmtəələrin siyahısını təsdiq edib. Novator.az siyahını diqqətə çatdırır:

Sertifikatlaşdırılmalı olan, lakin sertifikatlaşdırılmamış əmtəələr
İstehsalına (satışına) lisenziya tələb olunan, lakin barəsində belə lisenziya verilməyən əmtəələr
Həkim resepti əsasında buraxılan dərman vasitələri
Dopinq vasitələri
İstifadəsinə (tətbiqinə) Səhiyyə Nazirliyinin icazə vermədiyi tibbi təyinatlı texnika, müalicə, profilaktika, diaqnostika və reabilitasiya metodları, o cümlədən hipnoz seansları, kontaktsız, psixi və ya bioenergetik təsirə əsaslanan müalicə metodları
Hamiləliyin süni yolla pozulması üzrə tibbi xidmətlər
Süni mayalanma üzrə tibbi xidmətlər
Tütün, tütün məmulatları və onların ləvazimatları, o cümlədən tənbəki çubuqları, qəlyanlar, elektron siqaretlər, siqaret kağızları, alışqanlar
Satışa çıxarılması barədə qərar qəbul edilməmiş qiymətli kağızlar
Keçirilməsi qadağan edilmiş stimullaşdırıcı lotereyalar və qeydiyyata alınmamış digər lotereyalar
Gənclər və İdman Nazirliyinin tanımadığı və idman növlərinin dövlət reyestrinə daxil edilməmiş idman növləri
Qumar oyunları
Pornoqrafiya
“Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların siyahısı haqqında” qanunla müəyyən edilmiş əmtəələr (Qanun)
“Mülki dövriyyədə olmasına yol verilməyən (mülki dövriyyədən çıxarılmış) əşyaların siyahısı haqqında” qanunla müəyyən edilmiş əmtəələr (Qanun).