Azərbaycan ərzaq idxalını 31,86 faiz çoxaldıb
Novator.az 2016-cı ilin 9 ayı üzrə bəzi idxal-ixrac göstəricilərinə nəzər salıb. Dövlət Gömrük Komitəsinin təqdim etdiyi statistikaya görə, yeyinti məhsullarının idxalı 2015-ci ilin 9 ayı ilə müqayisədə 31,86 faiz artıb. Çay idxalında 174,2 faiz, kərə yağı və süddən hazırlanmış digər yağların idxalında 139,15 faiz, meyvə-tərəvəz idxalında 113,27 faiz, ət idxalında 88,2 faiz, bitki və heyvan mənşəli piylər və yağların idxalında 57,52 faiz, şəkər idxalında 46,55 faiz, süd idxalında 34,87 faiz artım var.
Yanvar-sentyabr aylarında buğda idxalı 7,29 faiz azalıb. Tütün və tütün məmulatlarının idxalında 47,79 faiz, nəqliyyat vasitələri və onların hissələrinin idxalında 43,76 faiz, əczaçılıq məhsullarının idxalında 29,2 faiz azalma qeydə alınıb.
İxraca gəlincə, əsas mallardan yalnız qara metallar və onlardan hazırlanan məmulatlar (84,24 faiz), pambıq iplik (45,02 faiz), meyvə-tərəvəz (33,31 faiz), alüminium və ondan hazırlanan məmulatlar (14,94 faiz) üzrə artım var.
