Müdafiə naziri Praqadadır
Azərbaycanın müdafiə naziri general-polkovnik Zakir Həsənov Çexiyanın müdafiə naziri Martin Stropnitskinin dəvəti ilə oktyabrın 17-də Praqa şəhərinə səfərə gedib.
Müdafiə Nazirliyinin mətbuat xidməti xəbər verir ki, səfərdə məqsəd “Gələcək Qüvvələr Forumu 2016”da iştirak etməkdir.
Forumda silahlı qüvvələrdəki ən son yeniliklər, müdafiə və təhlükəsizlik sahəsindəki elmi fəaliyyət və sənaye məsələləri nəzərdən keçiriləcək, həmçinin beynəlxalq sülhməramlı əməliyyatlarda əməkdaşlıq və digər fəaliyyətlər müzakirə ediləcək.
Tədbir çərçivəsində Zakir Həsənov Çexiyanın müdafiə naziri ilə və bir sıra digər rəsmi görüşlər keçirəcək.
