Turizmdə rəqabət: Azərbaycan 141 ölkə arşında 84-cüdür
Dünya İqtisadi Forumu turizmdə rəqabət reytinqini açıqlayıb. Novator.az-ın məlumatına görə, reytinq müəllifləri 141 ölkəni 14 faktor üzrə (işgüzar mühit, təhlükəsizlik, yol və aviasiya infrastrukturu, təbii və mədəni sərvətlər, viza qiymətləri və şərtləri kimi məsələlər) qiymətləndirib.
Azərbaycan siyahıda 84-cü pillədədir. Qonşu dövlətlərdən Gürcüstan 71-ci, Ermənistan 89-cu, Türkiyə 44-cü, Rusiya 45-ci, İran 97-ci pillədədir.
Postsovet məkanında ən yüksək göstərici Estoniyanındır – 38-ci yer.
İlk beşlikdə İspaniya, Fransa, Almaniya, ABŞ və Böyük Britaniya dayanır.
Reytinq cədvəlini Anqola, Qvineya və Çad qapayır.
