Şimalda qış havası var
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, oktyabrın 16-sı gündüzdən 17-si səhərədək ölkə ərazisində yağış yağıb, bəzi yerlərdə intensiv olub, dağlıq və dağətəyi rayonlarda sulu qar, qar düşüb.
Şimal rayonları Quba, Qusar və Xızının dağlıq yaşayış məntəqələri barədə xəbərdə qeyd olunur ki, qar örtüyünün hündürlüyü Xınalıqda 18, Qonaqkənddə 11, Qırızda 7, Ləzədə 5, Nohurdüzündə 4, Xaltanda 3, Altıağacda 2 santimetr olub.
Sarıbaşda (Qax) qar örtüyünün hündürlüyü 3 santimetrə çatıb.
Quba rayonun Xınalıq kəndində temperatur mənfi 5 dərəcəyədək enib.
