Monteneqroda seçkidən koalisiya çıxır
Monteneqroda oktyabrın 16-da keçirilmiş parlament seçkisinin ilkin nəticələri açıqlanıb. Novator.az-ın məlumatına görə, hakim Sosialist Demokrat Partiyası önə çıxaraq 81 yerlik parlamentə 36 mandat əldə edir.
İkinci yeri tutan müxalif Demokratik Cəbhə 18 mandat qazanır.
17 partiyanın qatıldığı seçkidə daha 3 müxalif qüvvənin parlamentə düşdüyü bildirilir. Onların içində ən uğurlu nəticəyə 9 mandatla “Açar” koalisiyası nail olur.
Sosialist Demokrat Partiyasının lideri, hazırda baş nazir postunu tutan Milo Cukanoviç bəyan edib ki, hökumətə loyal partiyaların gücündən yararlanıb koalisiya quracaq. Müxalif qüvvələr də koalisiya yaratmaq imkanlarını götür-qoy edirlər.
