Gömrük Komitəsi: ixrac 33,81%, idxal 5,89% azalıb
Dövlət Gömrük Komitəsi Azərbaycanın xarici ticarət göstəricilərini açıqlayıb. Novator.az-ın məlumatına görə, hesabatda bildirilir ki, 2016-cı ilin yanvar-sentyabr aylarında Azərbaycanın xarici ticarətinin həcmi ötən ilin 9 ayına nisbətən 22,64% azalaraq 12 milyard 742,6 milyon ABŞ dolları olub.
2015-ci ilin yanvar-sentyabr ayları ilə müqayisədə idxal əməliyyatlarında 5,89%, ixrac əməliyyatlarında 33,81% geriləmə qeydə alınıb.
İxrac (6 milyard 541,2 milyon dollar) idxalı (6 milyard 201,4 milyon dollar) 339,8 milyon dollar üstələyib.
9 ayda Azərbaycanın ixracının 71,85%-ni xam neft, 4,06%-ni neft məhsulları, 10,98%-ni təbii qaz təşkil edib.
İdxalda isə ön sıralardan birində 15,31%-lə yeyinti məhsulları durur.
Rəsmi hesabata əsasən, yanvar-sentyabr aylarında 174 ölkə ilə ticarət əməliyyatları aparılıb.
2016-cı ilin 9 ayında Gömrük Komitəsinin xətti ilə dövlət büdcəsinə 1 milyard 653,9 milyon manat daxil olub.
