Milyarderlərin sayı artıb, pulu azalıb
2015-ci ildə dünyada milyarderlərin sayı 210 nəfər artıb.
Milyarder dedikdə varidatı milyard dolları keçənlər nəzərdə tutulur.
Novator.az xəbər verir ki, milyarderlərlə bağlı araşdırmanı UBS və PwC bankları birgə aparıb. Araşdırmanın nəticəsi “The Wall Street” jurnalında dərc olunub.
Araşdırmaya görə, 2015-ci ildə milyarderə çevrilən 210 nəfərdən 150-si fərdi sahibkardır.
Ancaq milyarderlərin sayı artsa da, onların əlində olan kapitalın ümumi həcmi azalıb. 2015-ci ildə bu kapital 5 trilyon 100 milyard dollar olub. Bu, 2014-cü illə müqayisədə 300 milyard dollar azdır.
Ekspertlər hesab edirlər ki, milyarderlərin əlindəki pulun ümumi həcminin azalması valyuta kurslarına təsir edib və xammalın ucuzlaşmasına səbəb olub.
Mütəxəssislər get-gedə milyarderlərin vəziyyətinin yaxşılaşacağını güman edirlər.
