Fransada “erməni soyqırımı” ilə bağlı yeni qanun qəbul edilib
Oktyabrın 14-də Fransa Senatı “erməni soyqırımı”nın inkarını cinayət sayan qanun qəbul edib. Yenilik bərabərlik və vətəndaşlıq qanununa əlavə kimi rəsmiləşib. Novator.az-ın məlumatına görə, bu əlavə Fransa parlamentinin aşağı palatasında iyulun 1-də dəstək qazanmışdı.
Fransa “erməni soyqırımı”nı 2001-ci ildə tanıyıb. 2012-ci ildə isə “erməni soyqırımı”nın inkarını cinayət hesab edən qanun qəbul olunub, ancaq Konstitusiya Şurası həmin qanunun tətbiqini yasaqlayıb.
Saxta soyqırımı iddialarına görə, 1915-ci il aprelin 24-dən başlayaraq 1923-cü ilə kimi Türkiyədə 1 milyon 500 min nəfər erməni öldürülüb. Bu iddiaları indiyədək 28 ölkə (Fransa, İtaliya, İsveçrə, Niderland, Belçika, Yunanıstan, Kipr, Polşa, Litva, Rusiya, Kanada, Uruqvay, Braziliya, Argentina, Vatikan və s.), ABŞ-ın 44 ştatı, Avropa Parlamenti rəsmən tanıyıb.
Bu ilin iyununda Almaniya parlamenti də “101 il öncə Osmanlı İmperiyasında erməni və digər xristian azlıqlara olunmuş soyqırımı anma” adlı sənəd qəbul edib.
