Milli Şuranın 68 üzvü var
Müxalifətin bir hissəsinin cəmləşdiyi Demokratik Qüvvələrin Milli Şurasının hazırda 68 üzvü var. Oktyabrın 12-də Novator.az-a bu haqda məlumat verən Milli Şura sədri Cəmil Həsənli bildirib ki, üzvlərin sayı çıxanlar və yeni gələnlər nəzərə alınmaqla dəqiqləşdirilib.
Milli Şura 2013-cü ilin iyun ayında, prezident seçkisi ərəfəsində yaradılıb. İlk vaxtlarda qurumun 130-dək üzvü vardı. Prezident seçkisində qurumun namizədi Cəmil Həsənli olub.
Şuranın fəaliyyətinə rəhbərlik edən Koordinasiya Mərkəzi 21 nəfərdən ibarətdir: Cəmil Həsənli, Rüstəm İbrahimbəyov, Əli Kərimli, Leyla Yunus, Vidadi Mirkamal, Gültəkin Hacıbəyli, Eldəniz Quliyev, Mehman Əliyev, Oqtay Gülalıyev, Şahvələd Çobanoğlu, Tofiq Yaqublu, Rövşən Əhmədli, Nurəddin Mustafayev, Gözəl Bayramlı, Kamil Vəli, Fuad Ağayev, İbrahim İbrahimli, Namizəd Səfərov, Rahim Hacıyev, Rafiq Manaflı, Vahid Məhərrəmli.
Demokratik Qüvvələrin Milli Şurasının əsas məramı Azərbaycanda xalqın hakimiyyətin mənbəyi olmasını, hakimiyyətin qanunverici, icra və məhkəmə qolları arasında gerçək tarazlığını təmin etməkdir.
