Sərhəddə sentyabr pozuntuları
2016-cı ilin sentyabr ayı ərzində Azərbaycanın dövlət sərhədini pozan 59 nəfər saxlanıb. Onların 25 nəfəri Azərbaycan, 15 nəfəri İran, 6 nəfəri Özbəkistan, 5 nəfəri Banqladeş, 2 nəfəri Rusiya, 2 nəfəri Gürcüstan, hər ölkədən bir nəfər olmaqla Ukrayna, Belçika, Uqanda, Keniya vətəndaşıdır.
Sərhəd rejim qaydalarını pozarkən yaşıl sərhəddə 14 nəfər, Xəzər dənizində 15 nəfər, sərhəd nəzarəti məntəqələrində 1153 nəfər saxlanıb.
Azərbaycanın hüquq mühafizə orqanlarının axtardığı 373 nəfər aşkarlanaraq aidiyyəti orqanlara təhvil verilib.
5 kiloqram 334,1 qram narkotik maddə aşkar edilərək götürülüb, ümumi dəyəri təqribən 158 min manat olan qaçaqmal saxlanıb.
Hesabatı Dövlət Sərhəd Xidmətinin mətbuat mərkəzi oktyabrın 11-də yayıb.
