Sənayedə istehsal 16,4 faiz bahalaşıb
Dövlət Statistika Komitəsi sənaye məhsullarının istehsalçı qiymətlərinin dəyişməsi haqqında hesabat açıqlayıb. Novator.az-ın məlumatına görə, hesabatda qeyd olunur ki, 2016-cı ilin yanvar-sentyabr aylarında 2015-ci ilin eyni dövrünə nisbətən sənaye məhsullarının istehsalçı qiymətləri 16,4 faiz, o cümlədən mədən sənayesi üzrə 18 faiz, emal sənayesi üzrə 10,8 faiz, elektrik enerjisi, qaz və buxar istehsalı, bölüşdürülməsi və təchizatı üzrə 7 faiz, su təchizatı; tullantıların təmizlənməsi və emalı üzrə isə 4,2 faiz qalxıb.
Sentyabr ayında avqust ayına nisbətən sənaye məhsullarının istehsalı 3,3 faiz, o cümlədən mədən sənayesi üzrə 3,4 faiz, emal sənayesi və elektrik enerjisi, qaz və buxar istehsalı, bölüşdürülməsi və təchizatı sahələri üzrə 2,5 faiz bahalaşıb, su təchizatı; tullantıların təmizlənməsi və emalı sahələri üzrə dəyişiklik baş verməyib.
