Ermənistan hökumətində yeni kadr
Ermənistan hökumətində yeni dəyişiklik olub. Novator.az-ın məlumatına görə, Ovannes Ovsepyan Dövlət Gəlirləri İdarəsinin rəisi postundan çıxarılıb. Həmin vəzifəyə Vardan Arutunyan təyin edilib.
41 yaşlı Vardan Arutunyan iqtisad elmləri namizədidir, son təyinata qədər “Qazprom-Ermənistan” QSC-nin baş direktoru idi.
Sentyabrın 13-də Karen Karapetyan baş nazir təyin edilib və Ermənistanda yeni hökumətin yaradılması start götürüb. Hazırda Nazirlər Kabinetində bir vəzifə vakantdır: Dövlət Şəhərsalma Komitəsinə sədr təyinatı olmayıb. Bu komitə Şəhərsalma Nazirliyinin bazasında yaradılıb.
