Nobel sülh mükafatı prezidentə verildi
2016-cı ilin Nobel sülh mükafatı Kolumbiya prezidenti Xuan Manuel Santosa verilib. Qalibin adını Norveç Nobel Komitəsi oktyabrın 7-si Osloda açıqlayıb.
Novator.az-ın məlumatına görə, Kolumbiya prezidenti Nobel sülh mükafatına 1964-cü ildən davam edən vətəndaş müharibəsini dayandırmaq üçün göstərdiyi səylər müqabilində layiq bilinib.
Xuan Manuel Santos bu il Kolumbiya silahlı inqilabçılarının lideri ilə sülh müqaviləsi imzalayıb. Müqavilənin şərtlərinə görə, solçu üsyançılar silahı yerə qoyur.
