İlham Əliyev Vladimir Putinə zəng vurub
Oktyabrın 7-də prezident İlham Əliyev rusiyalı həmkarı Vladimir Putinə zəng edib. Xəbəri Azərbaycan prezidentinin mətbuat xidməti yayıb.
Dövlət başçısı Vladimir Putini ad günü münasibətilə təbrik edib, ona cansağlığı, fəaliyyətində uğurlar arzulayıb. Telefon söhbəti zamanı dövlət başçıları Azərbaycanla Rusiya arasında əlaqələrin inkişafından məmnunluq ifadə edib, əməkdaşlığın uğurla davam etdiriləcəyinə əmin olduqlarını bildiriblər.
Novator.az bildirir ki, oktyabrın 7-də Vladimir Putinin 64 yaşı tamam olur.
1952-ci ildə doğulan Vladimir Putin Leninqrad Dövlət Universitetinin hüquq fakültəsini və DTK-nın Moskvadakı 1 saylı Ali Məktəbini bitirib. Uzun illər dövlət təhlükəsizlik orqanlarında çalışıb.
1996-cı ildən Rusiyanın ali hakimiyyət orqanlarında işləyib. 1999-cu il avqustun 16-da baş nazir təyin olunub. 1999-cu il dekabrın 31-dən həmçinin prezident vəzifəsini icra edib. 2000-ci il martın 26-da prezident seçilib. 2004-cü il seçkisində bu postu əlində saxlayıb.
2008-ci ilin may ayından Rusiyanın baş naziri olub. 2012-ci il martın 4-də yenidən prezident seçilib.
