Gürcüstan seçki astanasında
Gürcüstanda oktyabrın 8-də keçiriləcək parlament seçkisində 77 mandatın sahibi partiya siyahıları üzrə, 73 mandatın sahibi majoritar sistemlə (dairələr üzrə) müəyyənləşəcək.
150 yerlik parlamentə proporsional sistemlə düşmək üçün 19 partiya, 6 blok mübarizə aparır. Keçid baryeri 5%-dir.
Majoritar sistemdə 1 yerə 16 namizəd iddia edir. Mandat almaq üçün namizəd səslərin 50%-dən çoxunu toplamalıdır. Əks halda ikinci tur keçiriləcək.
Parlamentdə 76 mandat yer əldə edən siyasi qüvvə hökumət qurmaq hüququ qazanacaq.
Novator.az-ın məlumatına görə, seçicilər siyahısında 3 milyon 510 min 514 nəfərin adı var. Seçki işğal olunmuş Abxaziya və Cənubi Osetiya bölgələrini çıxmaqla Gürcüstanın bütün ərazisində, o cümlədən 42 xarici ölkədə təşkil olunmuş məntəqələrdə keçiriləcək.
Hazırda Gürcüstan parlamentində iki qüvvə təmsil olunur: hakim “Gürcü arzusu” bloku və müxalif Vahid Milli Hərəkat Partiyası.
