Forumda kredit hesabatı verilib
İqtisadiyyat Nazirliyinin Sahibkarlığa Kömək Milli Fondu oktyabrın 6-sı Biləsuvar rayonunun Ağalıkənd kəndində işgüzar forum keçirib. Rəsmi məlumata görə, forumda Aran iqtisadi rayonunda fəaliyyət göstərən 51 sahibkara 1,4 milyon manat güzəştli kredit verilib. Əsasən heyvandarlıq, soyuducu anbarın tikintisi, çörək istehsalı və balıqçılıq sahələrinin inkişafına yönəldiləcək kreditlərin reallaşdırılması hesabına 200-dən çox yeni iş yerinin açılmasının mümkün olacağı bildirilir.
Sahibkarlığa Kömək Milli Fondunun icraçı direktoru Şirzad Abdullayev forumda deyib ki, 2016-ci ilin 9 ayı ərzində 1815 sahibkar 120,6 milyon manat güzəştli kredit alıb. Güzəştli kreditlərin 84 faizi aqrar sektorun, 16 faizi sənaye və digər sahələrin inkişafına yönəldilib, 66,8 faizi regionların, 33,2 faizi Bakı şəhərinin qəsəbələrinin payına düşür.
