Bolqarıstan parlamenti ictimai yerdə niqabdan istifadəni yasaqladı
Bolqarıstan parlamenti müsəlman xanımların ictimai yerlərdə niqabdan istifadəsini yasaqlayan qanun qəbul edib.
Novator.az-ın məlumatına görə, qadağa Avropada baş verən terror hücumları fonunda ölkədə təhlükəsizlik tədbirlərinin gücləndirilməsi arqumenti ilə izah olunur.
Qadağaya əməl etməyənləri 860 ABŞ dolları civarında cərimə gözləyir. Qanunu pozanlar sosial güzəştlərdən də məhrum ediləcəklər. Amma bəzi istisnalar da mövcuddur. Məsələn, səhhətində problem olan müsəlman xanımlara ictimai yerlərdə niqabda gəzməyə icazə veriləcək.
Qanun Bolqarıstan parlamentindəki “Vətənpərvər cəbhə” koalisiyasının təşəbbüsü ilə qəbul edilib.
Son vaxtlar Avropanın başqa ölkələrində – Fransa, Hollandiya və Belçikada da niqabla bağlı bəzi məhdudiyyətlər tətbiq edilib.
Səidə Hüseynova
