Rəqabətlilik indeksi: Azərbaycana aid bəzi detallar məlum olub
Xəbər verdiyimiz kimi, Dünya İqtisadi Forumu 2016-2017-ci illər üzrə qlobal rəqabətlilik indeksini açıqlayıb. Hesabata görə, Azərbaycan 138 ölkə arasında 37-ci yerdədir.
AZƏRTAC-ın bununla bağlı materialında qeyd olunur ki, Dünya İqtisadi Forumu ölkələrin reytinqini müəyyənləşdirəndə üç subindeksdən istifadə edir: əsas tələblər, səmərəlilik və innovasiya faktorları.
Hesabat müəllifləri Azərbaycan iqtisadiyyatını MDB dövlətləri, türkdilli ölkələr və BRİCS ölkələri (Çin Xalq Respublikası istisna olmaqla) arasında ən rəqabətli iqtisadiyyat kimi qiymətləndirib. Azərbaycan sahibkarlığa başlamaq üçün prosedurlara görə 3-cü, sahibkarlığa başlamaq üçün tələb olunan vaxta görə 9-cu, qadınların əmək bazarında fəaliyyətinə görə 18-ci, makroiqtisadi mühitə görə 39-cu, investorların təhlükəsizliyi baxımından 36-cı, əhali arasında internetdən istifadəyə görə 33-cü, innovasiya fəaliyyətinə görə 44-cü və dövlət borcuna əsasən 41-ci yerdə qərarlaşıb (Göstəricilər).
Yeni reytinq cədvəlinə İsveçrə, Sinqapur və ABŞ başçılıq edir.
Keçmiş SSRİ məkanından Rusiya 43-cü, Qazaxıstan 53-cü, Gürcüstan 59-cu, Tacikistan 77-ci, Ermənistan 79-cu, Ukrayna 85-ci, Moldova 100-cü, Qırğızıstan 111-cidir.
Türkiyə reytinq cədvəlində 55-ci, İran 76-cı pillədədir.
Yəmən qlobal rəqabətlilik indeksində sonuncu – 138-ci yeri tutur.
