2017-ci ilin dövlət büdcəsinin layihəsi açıqlanıb
Sentyabrın 29-da Maliyyə Nazirliyi Azərbaycan Respublikasının 2017-ci il büdcəsi haqqında qanun layihəsini və 2017-ci ilin dövlət və icmal büdcələrinin layihələrini açıqlayıb.
Novator.az-ın məlumatına görə, layihədə 2017-ci ilin dövlət büdcəsinin gəlirlərini 15 milyard 955 milyon manat, xərclərini 16 milyard 600 milyon manat məbləğində təsdiq etmək nəzərdə tutulur.
Layihəyə əsasən, Azərbaycan Respublikasının 2017-ci il üzrə daxili dövlət borclanmasının yuxarı həddi 1 milyard manat, xarici dövlət borclanmasının yuxarı həddi 500 milyon manat olmalıdır.
Dövlət büdcəsinin kəsirinin yuxarı həddini 645 milyon manat məbləğində təsdiqləmək nəzərdə tutulur.
Vergilər Nazirliyinin xətti ilə dövlət büdcəsinə 7 milyard 210 milyon manat, Dövlət Gömrük Komitəsinin xətti ilə 2 milyard 200 milyon manat, Əmlak Məsələləri Dövlət Komitəsinin xətti ilə 8 milyon manat cəlb etmək öhdəliyi qoyulur.
Dövlət Neft Fondundan büdcəyə 6 milyard 100 milyon manat köçürülməsi planlaşdırılır.
2017-ci il dövlət büdcəsi haqqında qanun layihəsi
2017-ci ilin dövlət və icmal büdcələrinin layihələrinin təqdimatı
