Türkiyədə hərbi qiyama görə tutulanların sayı – 32 min nəfər
Türkiyədə hərbi qiyama görə həbs olunan şəxslərin sayı 32 min nəfərə çatıb. Novator.az-ın məlumatına görə, bunu ədliyyə naziri Bəkir Bozdağ sentyabrın 28-də açıqlayıb.
Nazir bildirib ki, ümumilikdə Fətullah Gülənlə əlaqəsi olan 70 min nəfərlə bağlı araşdırma aparılıb.
İyulun 15-i gecə Türkiyədə bir qrup hərbçi hakimiyyəti ələ almaq təşəbbüsü göstərib. 350-dək adamın həlak olması, 3500-dən çox adamın yaralanması ilə nəticələnən qiyam yatırılıb.
İyulun 21-də Türkiyədə 3 aylıq fövqəladə vəziyyət tətbiq olunub.
Qiyama görə həbsə düşənlərin böyük əksəriyyəti general, polkovnik və aşağı rütbəli zabit, hakim, prokurorluq işçisi, polis və məmurdur.
Hakimiyyət çevriliş cəhdinin ABŞ-da mühacirətdə olan islamçı alim Fətullah Gülənin planı olduğunu iddia edir.
Sentyabrın 13-də Türkiyə Fətullah Gülənin həbs olunması üçün ABŞ-a rəsmi sorğu göndərib.
