Növbəti hərrac xərcləri 4 milyard 768,9 milyon dollara çatdırdı
Sentyabr 27-si Mərkəzi Bankda keçirilmiş valyuta hərracına 150 milyon ABŞ dolları məbləğində vəsait çıxarılıb. 20 bankın iştirak etdiyi hərracda Dövlət Neft Fondundan 70,2 milyon ABŞ dolları alınıb.
Novator.az bildirir ki, bununla Dövlət Neft Fondunun 2016-cı ilin valyuta hərraclarında satdığı vəsaitin həcmi 3 milyard 833,5 milyon dollara çatıb. Mərkəzi Bankdan isə hərraclarda 935,4 milyon dollar alınıb. Manatın məzənnəsini nizamlamaq üçün üst-üstə 4 milyard 768,9 milyon dollar vəsait satılıb.
2015-ci ildə Azərbaycan manatı ikiqat devalvasiyaya uğrayıb, dolların kursu 78 qəpikdən 1 manat 55 qəpiyə qalxıb. Sentyabrın 27-də 1 dollar 1,6292 manata təklif edilir.
