Nazirlik bu il 237 nəfərə yeni mənzillər verib
Əmək və Əhalinin Sosial Müdafiəsi Nazirliyi Qax rayonunda inşa etdirilmiş 3 fərdi yaşayış evini Qarabağ müharibəsi əlillərinin istifadəsinə verib.
Rəsmi məlumata görə, evlərin təqdim olunması tədbirində danışan Dövlət Sosial Müdafiə Fondunun direktor müavini Səfər Mehdiyev deyib ki, prezidentin 20 iyun 2014-cü il sərəncamının icrası işlərinin davamı olaraq bu il 30-a yaxın rayonda 119 fərdi yaşayış evi, Beyləqan rayonunda 54 mənzilli yaşayış binası və Abşeron rayonunda hazır yaşayış binalarından alınaraq təmir etdirilmiş 64 mənzil Qarabağ müharibəsi əlillərinə və şəhid ailələrinə təqdim edilib. Cari ilin ötən dövründə 152 nəfəri Qarabağ müharibəsi əlili, 85-i isə şəhid ailəsi olmaqla ümumilikdə 237 nəfərin yeni mənzillərlə təminatı həyata keçirilib.
