Rusiyada parlament seçkisinin nəticələri təsdiqlənib
Sentyabrın 23-də Rusiyanın Mərkəzi Seçki Komissiyası Dövlət Dumasına seçkinin nəticələrini təsdiqləyib. Ötən bazar günü keçirilmiş seçkidə parlamentin aşağı palatasına 225 nəfər proporsional sistemlə, 225 nəfər majoritar sistemlə seçilib.
Novator.az bildirir ki, qəti nəticələrə görə, hakim Vahid Rusiya Partiyası 450 yerlik Dumada 343 nəfərlə təmsil olunacaq.
Kommunist Partiyası 42, Liberal Demokrat Partiyası 39, Ədalətli Rusiya Partiyası 23 deputat yeri əldə edib.
Vətən və Vətəndaş Platforması partiyaları 1 mandat alıblar.
Daha 1 mandatı müstəqil namizəd götürüb.
