Dövlət Əmək Müfəttişliyi Xidməti 20 nəfəri işinə bərpa etdirib
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti bu ilin yanvar-avqust aylarında 783 530 manat məbləğində gecikdirilmiş sosial xarakterli ödənişlərin işçilərə ödənilməsini təmin edib. Həmin məbləğin 95 faizi (742 788 manat) gecikdirilmiş əmək haqlarından, qalan hissəsi sosial müavinət və kompensasiyalardan, zərərə görə ödənclərdən ibarət olub.
Sentyabrın 22-də yayılan rəsmi məlumata əsasən, yanvar-avqust aylarında vətəndaş müraciətlərinin araşdırılması zamanı 20 nəfərin işdən qeyri-qanuni çıxarıldığı müəyyən edilib və həmin vətəndaşların əvvəlki iş yerlərinə bərpası təmin olunub.
