Astarada əmək yarmarkası
Astara Rayon Mərkəzi Kitabxanasında ənənəvi əmək yarmarkası keçirilib. AZƏRTAC xəbər verir ki, Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti və Astara Rayon İcra Hakimiyyətinin birgə təşkilatçılığı ilə keçirilən yarmarkaya rayonun 21 idarə, müəssisə və təşkilatından 189 boş (vakant) iş yeri çıxarılıb.
250 nəfərə yaxın işaxtaran vətəndaşın iştirak etdiyi tədbirdə 25 nəfər idarə və müəssisələrdə iş tapıb. Peşə hazırlığı keçən 10 gəncə isə işə düzəlmək məqsədilə göndərişlər verilib.
