Suriyada döyüşən Rusiya qəhrəmanı Cənub Hərbi Dairəsinin komandanı oldu
Rusiya prezidenti Vladimir Putin ölkəsinin Cənub Hərbi Dairəsi qoşunlarının komandanı postuna yeni təyinat edib. Novator.az xəbər verir ki, bu posta general-polkovnik Aleksandr Dvornikov təyin olunub.
Dvornikov iyulun 1-dən Cənub Hərbi Dairəsi qoşunlarının komandanı səlahiyyətlərini icra edirdi.
Cənub Hərbi Dairəsi qoşunlarının əvvəlki komandanı general-polkovnik Aleksandr Qalkin olub. O, iyulun 1-də vəzifəsindən azad edilib.
General-polkovnik Aleksandr Dvornikovun 55 yaşı var. O, 2012-ci ilin may ayından 2016-cı ilin iyun ayınadək Rusiya Silahlı Qüvvələrinin Mərkəzi Hərbi Dairə qoşunları komandanının birinci müavini olub. 2015-ci ilin sentyabrından 2016-cı ilin iyun ayınadək Rusiya Hərbi Qüvvələrinin Suriyadakı qrupuna komandanlıq edib.
Aleksandr Dvornikov 2016-cı ilin iyununda Rusiya prezidentinin qərarı ilə Rusiya Qəhrəmanı adına layiq görülüb.
