Qadını geyiminə görə döyən kişi həbs edilib
Türkiyədə məhkəmə qadını geyiminə görə döyən 35 yaşlı kişinin həbsinə qərar verib.
Hadisə sentyabrın 12-də olub. Avtobusda kişi şort geydiyinə görə qadının üzünə zərbə endirib.
Novator.az-ın məlumatına görə, qadını vuran şəxs hüquq mühafizə orqanlarına ifadəsində xarici görünüşü xoşuna gəlməyən adamları döydüyünü deyib: “Dövlət bu cür geyinənləri cəzalandırmalıdır”.
Qadını geyiminə görə vuran şəxs fikir azadlığına dözümsüzlük nümayiş etdirməkdə və vətəndaş hüququnu pozmaqda təqsirli bilinir.
Ötən həftə hüquq mühafizə orqanları onu tutmuş, amma sonradan buraxmışdı. Kişinin buraxılması böyük rezonans doğurmuş, etiraz aksiyalarına səbəb olmuşdu.
Türkiyənin ailə və sosial məsələlər naziri Fatma Betül Sayam Kaya da kişinin qadına hücumunu pisləyib.
Hüquq mühafizə orqanları həmin şəxsin psixi problemləri olduğunu və müalicə kursu keçdiyini bildirir.
