Manata qoyulan xərc 4 milyard 637,7 milyon dollara çatıb
Sentyabrın 20-də Dövlət Neft Fondu valyuta hərracına 100 milyon ABŞ dolları məbləğində vəsait çıxarıb. Bu vəsaitin 72,4 milyon dolları 20 banka satılıb.
Novator.az bildirir ki, bununla Dövlət Neft Fondunun 2016-cı ilin valyuta hərraclarında satdığı vəsaitin həcmi 3 milyard 702,3 milyon dollara çatıb. Mərkəzi Bankdan isə hərraclarda 935,4 milyon dollar alınıb. Manatın kursunu nizamlamaq üçün iki qurumun birgə xərci 4 milyard 637,7 milyon dollardır.
2015-ci ildə Azərbaycan manatı ikiqat devalvasiyaya uğrayıb, dolların kursu 78 qəpikdən 1 manat 55 qəpiyə qalxıb. Bu il ABŞ dollarının ən yüksək rəsmi qiyməti martın 11-nə təsadüf edib. Həmin gün 1 dollara 1,6456 manat qiymət qoyulub.
Sentyabrın 20-də 1 dollar 1,637 manata satılır.
