Ermənistanda yeni nazirlər
Ermənistan prezidenti Serj Sərkisyan sentyabrın 20-də hökumətin tərkibi ilə bağlı sərəncamlar imzalayıb. Novator.az-ın məlumatına görə, Vaçe Qabrielyan baş nazirin müavini, beynəlxalq iqtisadi inteqrasiya və islahatlar naziri postuna təyinat alıb.
Hökumət Aparatının rəhbəri – nazir vəzifəsi David Arutyunyana tapşırılıb.
Dövlət başçısı maliyyə naziri vəzifəsinə Vardan Aramyanı, nəqliyyat və rabitə naziri vəzifəsinə Vahan Martirosyanı, kənd təsərrüfatı naziri postuna İqnati Arakelyanı, enerji və təbii sərvətlər naziri vəzifəsinə Aşot Manukyanı təyin edib. Bunlar hökumətdə yeni şəxslərdir.
Sentyabrın 13-də Karen Karapetyan baş nazir təyin olunub. Karen Karapetyanı baş nazir postuna Serj Sərkisyanın sədrlik etdiyi hakim Respublika Partiyası sentyabrın 8-də namizəd göstərmişdi. Əvvəlki baş nazir Ovik Abramyan həmin gün istefa verib.
Baş nazir dəyişdiyi üçün Ermənistan hökuməti yenilənməlidir.
