Parlament seçkisini Putinin komandası uddu
Rusiya parlamentinin aşağı palatasına – Dövlət Dumasına seçkinin ilkin nəticələri açıqlanıb. Sentyabrın 18-də keçirilən seçkidə 450 yerlik Dumanın 225 mandatı proporsional sistem, bir o qədəri də majoritar sistem üzrə səsverməyə çıxarılıb.
Novator.az bildirir ki, ilkin nəticələrə görə, proporsional sistemlə 5 faizlik seçki baryerini hazırda Dövlət Dumasında təmsil olunan hakim Vahid Rusiya, Kommunist, Ədalətli Rusiya, Liberal Demokrat partiyaları keçə bilib.
Prezident Vladimir Putinin yaratdığı, baş nazir Dmitri Medvedyevin liderlik etdiyi Vahid Rusiya Partiyası proporsional sistem üzrə 54,28 faiz səs yığaraq önə çıxıb.
Kommunist Partiyası 13,61, Liberal Demokrat Partiyası 13,37, Ədalətli Rusiya Partiyası 6,17 faiz səs toplayıb.
Majoritar sistemlə Vahid Rusiya Partiyası 250 dairənin 203-də liderlik edir. Ədalətli Rusiya Partiyası 7, Kommunist Partiyası 7, Liberal Demokrat Partiyası 5 dairəni udur.
Vətən və Vətəndaş Platforması partiyaları hərəyə 1 dairədə üstün gəlirlər.
Daha 1 dairədə müstəqil namizəd öndə gedir.
