Fransada plastik qabların hamısı utilizasiya olunacaq
Fransada bütün plastik qabların (stəkanların, boşqabların, süfrə dəstlərinin və s.) utilizasiya olunmasını və bioloji cəhətdən təmiz materiallardan yenidən hazırlanmasını nəzərdə tutan qanun qəbul olunub. Novator.az-ın məlumatına görə, qanun 2020-ci ildən qüvvəyə minəcək.
Bu qanun Fransa hökumətinin iqlim dəyişikliyi problemlərinin həlli üzrə irimiqyaslı planının tərkib hissəsidir.
Bir sıra ekoloji təşkilatlar qanunu dəstəkləsə də, bəziləri bunu Avropa İttifaqında malların sərbəst hərəkəti prinsipinə zidd sayır.
