Dumaya seçki: kim neçə mandat əldə edib?
Rusiyanın hakim Vahid Rusiya Partiyası parlamentinin aşağı palatası olan Dövlət Dumasında 450 mandatın 343-nə sahib çıxıb. Novator.az-ın məlumatına görə, Mərkəzi Seçki Komissiyasının sentyabrın 19-da bəyan etdiyi ilkin nəticələr bunu göstərir.
Sentyabrın 18-də keçirilən seçkidə Dumanın 225 mandatı proporsional sistem, 225-i majoritar sistem üzrə səsverməyə çıxarılıb.
Prezident Vladimir Putinin yaratdığı, baş nazir Dmitri Medvedyevin sədrlik etdiyi Vahid Rusiya Partiyası proporsional sistemlə 140, majoritar sistemlə 203 mandat əldə edib.
İlkin nəticələrə əsasən, Kommunist Partiyası 18 sentyabr seçkisində Dövlət Dumasına 42, Liberal Demokrat Partiyası 39, Ədalətli Rusiya Partiyası 23 mandat qazanıb.
Vətən və Vətəndaş Platforması partiyaları hərəyə 1 mandat götürüblər.
Daha 1 mandat müstəqil namizədə qismət olub.
