Qorunan əmanətlərin faiz dərəcəsi dəyişdi
Əmanətlərin Sığortalanması Fondunun Himayəçilik Şurası Maliyyə Bazarlarına Nəzarət Palatası və Mərkəzi Bankın razılığını alaraq sentyabrın 16-dan milli valyutada olan qorunan əmanətlər üzrə faiz dərəcəsinin yuxarı həddini illik 12 faizdən 15 faizə qaldırıb.
Fondun mətbuat xidməti bildirir ki, üzv banklarda milli valyutada əmanətlər üzrə illik faiz dərəcəsi 15 faizdən yuxarı olanda sığorta olunmur və onlara görə kompensasiya ödənilmir.
Xarici valyutada yerləşdirilən əmanətlər üzrə illik faiz dərəcəsi 3 faizdir.
Əmanətçilər əmanətlərin sığortalanması üçün heç bir ödəniş etmirlər. Sığorta haqlarını yalnız banklar ödəyir.
2016-cı il martın 1-dən əmanətlər məbləğindən asılı olmayaraq 3 il müddətində tam sığortalanır.
