Hər 1000 kişiyə 1007 nəfər qadın düşür
2016-cı ilin əvvəlindən ölkə əhalisinin sayı 59,8 min nəfər və ya 0,6 faiz artaraq avqustun 1-nə 9 milyon 765,4 min nəfərə çatıb. Dövlət Statistika Komitəsindən AZƏRTAC-a bildiriblər ki, əhalinin sıxlığı bir kvadrat kilometrə 113 nəfər olub.
Hesabata görə, ölkə əhalisinin 53,1 faizi şəhərdə, 46,9 faizi kənddə yaşayır.
Əhalinin 49,8 faizi kişilər, 50,2 faizi qadınlardır. Hər 1000 kişiyə hazırda 1007 nəfər qadın düşür.
Ədliyyə Nazirliyinin rayon (şəhər) qeydiyyat şöbələri yanvar-iyul ayları ərzində ölkədə 91,5 min, yaxud hər gün orta hesabla 430 doğulan körpə qeydə alıb. Doğulan körpələrin 53,4 faizi oğlan, 46,6 faizi isə qız uşaqlarıdır.
