110 yerlik parlamentə 2 müxalifətçi seçilib
Sentyabrın 16-da Belarus Mərkəzi Seçki Komissiyası parlamentin aşağı palatasına seçkinin nəticələrini təsdiqləyib.
Nümayəndələr Palatasına seçki sentyabrın 11-də keçirilib. Novator.az-ın məlumatına görə, 110 yerlik Nümayəndələr Palatasında 82 yeni deputat var. 28 deputat, o cümlədən spiker Vladimir Andreyçenko yenidən parlamentə düşüb.
Rəsmi nəticələrə əsasən, parlamentə 2 müxalif deputat seçilib. Onların ikisi də qadındır: Anna Kanopatskaya (Birləşmiş Vətəndaş Partiyası) və Yelena Anisim (Belarus Dili Cəmiyyəti).
Kommunist Partiyasından 8, Əmək və Ədalət Partiyasından 3, Vətənpərvər Partiyadan 3, Liberal Demokrat Partiyasından 1 nəfər mandat alıb.
