Xarici ticarət göstəriciləri açıqlanıb
Dövlət Statistika Komitəsinin 15 sentyabr hesabatına görə, 2016-cı ilin yanvar-iyul aylarında Azərbaycanın hüquqi və fiziki şəxsləri dünyanın 167 ölkəsindəki tərəfdaşları ilə ticarət əməliyyatları həyata keçirib, 102 ölkəyə məhsul ixrac olunub, 157 ölkədən mal alınıb.
Novator.az bildirir ki, rəsmi hesabata əsasən, yanvar-iyul aylarında xarici ticarət dövriyyəsi 12 milyard 133,6 milyon ABŞ dolları, o cümlədən ixracın dəyəri 7 milyard 376,3 milyon dollar, idxalın dəyəri 4 milyard 757,3 milyon dollar təşkil edib, nəticədə 2 milyard 619 milyon dollarlıq müsbət ticarət saldosu yaranıb.
Ticarət dövriyyəsinin 41,2 faizi Avropa İttifaqı ölkələri, 12,2 faizi MDB üzvü dövlətləri, 46,6 faizi isə dünyanın digər ölkələrinin payına düşüb.
