Dolların kursu düşüb, avro bahalaşıb
Sentyabrın 15-də ABŞ dollarının rəsmi məzənnəsi aşağı doğru dəyişib. Ötən gün 1,6390 manata satılan 1 dollar 1,6375 manatadək ucuzlaşıb.
Avroda isə bahalaşma var. Novator.az-ın məlumatına görə, 1 avronun rəsmi kursu 1,8398 manatdan 1,8409 manata qalxıb.
Mərkəzi Bank digər valyutalara belə qiymət qoyub:
1 gürcü larisi – 0,7089 manat
1 ingilis funt sterlinqi – 2,1695 manat
1 Rusiya rublu – 0,0251 manat
1 türk lirəsi – 0,549 manat.
2015-ci ildə Azərbaycan manatı ikiqat devalvasiyaya uğrayıb, dolların kursu 78 qəpikdən 1 manat 55 qəpiyə qalxıb. Bu il ABŞ dollarının ən yüksək rəsmi qiyməti martın 11-nə təsadüf edib. Həmin gün 1 dollara 1,6456 manat qiymət qoyulub.
Manatın məzənnəsini tənzimləmək üçün bu ilin valyuta hərraclarında Dövlət Neft Fondu 3 milyard 629,9 milyon dollar, Mərkəzi Bank 935,4 milyon dollar vəsait satıb.
