8 ayda nə qədər inflyasiya gedib?
Dövlət Statistika Komitəsi istehlak bazarında qiymətlərin dəyişməsi haqqında hesabat yayıb. Novator.az-ın məlumatına görə, hesabatda qeyd olunur ki, 2016-cı ilin yanvar-avqust aylarında istehlak məhsullarının və xidmətlərin qiymətləri 2015-ci ilin eyni dövrünə nisbətən 10,8 faiz artıb.
8 ayda ərzaq məhsullarının qiymətləri 12,2 faiz, qeyri-ərzaq məhsullarının qiymətləri 15,6 faiz, əhaliyə göstərilən ödənişli xidmətlərin qiymətləri 4,9 faiz qalxıb.
Hesabata əsasən, avqust ayında iyul ayına nisbətən istehlak məhsulları və xidmətlər 0,5 faiz, o cümlədən ərzaq məhsulları 0,6 faiz, qeyri-ərzaq məhsulları 0,5 faiz, əhaliyə göstərilən ödənişli xidmətlər isə 0,4 faiz bahalaşıb.
