Problemli kreditlərin həcmi 35,4 milyon manat azalıb
Azərbaycanda vaxtı keçmiş kreditlərin məbləği avqustun 1-nə 1 milyard 504,4 milyon manata düşüb. Mərkəzi Bankın kredit təşkilatlarının müddətlər üzrə kredit qoyuluşları hesabatında belə göstərilir. Novator.az-ın məlumatına görə, bir ayda problemli kreditlərin həcmi 35,4 milyon manat azalıb. İyulun 1-nə vaxtı keçmiş kreditlərin məbləği 1 milyard 539,8 milyon manat idi.
Hazırda vaxtı keçmiş kreditlərin 792,7 milyon manatı xarici valyutada olan kreditlərdir.
