Fransua Oland növbəti prezident seçkisinə də qatılacaq
Fransanın hazırkı dövlət başçısı Fransua Oland 2017-ci ildə keçiriləcək növbəti prezident seçkisinə qatılacaq. Novator.az-ın məlumatına görə, bunu sentyabrın 14-də Didye Giyom açıqlayıb.
Didye Giyom Sosialist Partiyasının Senatdakı (Fransa parlamentinin yuxarı palatası) fraksiyasının rəhbəridir.
Fransua Oland 1954-cü il avqustun 12-də Fransanın Ruan şəhərində doğulub. 1979-cu ildən Sosialist Partiyasının üzvüdür. 2012-ci ilin may ayının 6-da Sosialist Partiyasının namizədi kimi ölkə prezidenti seçilib.
Didye Giyom bildirib ki, Fransanın Olanda ehtiyacı var və o, 2017-ci ildəki prezident seçkisinə mütləq qatılacaq.
Olandın növbəti seçkidə namizədliyini 2016-cı ilin sonunadək elan edəcəyi gözlənir.
Fransada növbəti prezident seçkisi 2017-ci ilin yazında keçiriləcək.
