Xanım sürücülər üçün ayrıca duracaqlar açılıb
Birləşmiş Ərəb Əmirliyinin paytaxtı Abu-Dabi şəhərində xanımlar üçün ayrıca avtomobil duracaqları açılıb.
Novator.az-ın məlumatına görə, ağ və çəhrayı rənglərdə olan bu duracaqların ümumi sayı 200-ə yaxındır. Belə duracaqlara şəhərin müxtəlif yerlərində – küçələrdə, hündür binalarda, dövlət müəssislərində, otellərdə və dəniz sahilində rast gəlmək mümkündür.
Abu-Dabinin Bələdiyyə İşləri və Nəqliyyat Departamenti bəyan edib ki, duracaqlar xanım sürücülərə avtomobilini saxlamaq üçün yer axtarmaqda və onların şəxsi toxunulmazlığı məsələsində yardımçı olacaq.
Qadınlar üçün nəzərdə tutulan duracaqlarda avtomobil saxlayan kişilər cərimələnəcək, onların avtomobilləri isə müsadirə olunacaq.
