Rusiyada sürücülük imtahanı: qaydalar dəyişdi
Rusiyanın Daxili İşlər Nazirliyi sürücülük vəsiqəsi almaq istəyənlər üçün keçirilən imtahan qaydalarını dəyişib.
Dəyişiklik sentyabrın 1-dən qüvvəyə minir.
Novator.az-ın məlumatına görə, Rusiya Dövlət Avtomobil Müfəttişliyinin sədr müavini Vladimir Şvetsov bildirib ki, bundan sonra imtahan suallarından birinə cavab verə bilməyən şəxslər imtahandan dərhal kəsilmiş sayılmayacaqlar, onlara əlavə bir neçə sual veriləcək. Əlavə sualları cavablandıran şəxs sürücülük hüququ qazanacaq.
Bundan başqa sürücülüyə namizədlər özlərini təkcə mexaniki ötürücüsü olan avtomobildə yoxlamayacaqlar. Onlara imtahan vaxtı avtomatik ötürücüsü olan avtomobili sürmək imkanı da yaradılacaq.
