Dolların kursu dəyişməyib
Avqustun 29-da ABŞ dollarının rəsmi məzənnəsi dəyişməyib. Mərkəzi Bank 1 dolları ötən həftənin son iş günündə olduğu kimi 1,628 manata təklif edir.
Rusiya rublu da avqustun 26-da qoyulmuş qiymətə satılır. 1 rubl 0,0251 manatadır.
Avronun rəsmi kursu isə yenilənib. Transparency.az-ın məlumatına görə, 1 avro 1,8374 manatdan 1,8238 manata enib (Məzənnələr).
Ötən həftə Dövlət Neft Fondunun 2016-cı ilin hərraclarında satdığı xarici valyutanın həcmi 3 milyard 201,9 milyon dollara çatıb. Mərkəzi Bankdan 835,4 milyon dollar alındığını da hesablayanda 2016-cı ilin yanvar-avqust aylarında manatın məzənnəsini nizamlamağa 4 milyard 37,3 milyon dollar gedib.
