233 komandanın 153-ü ələnib
UEFA Çempionlar Liqası və Avropa Liqasında təsnifat mərhələləri başa çatdı. Novator.az-ın məlumatına görə, dörd raundun sonunda 54 UEFA üzvündən 28-nin bütün təmsilçiləri Avropa klub turnirləri ilə vidalaşıb. Yalnız İspaniya (7 komanda), İtaliya (6) və Belçika (5) itki verməyib.
2016/2017 mövsümündə Avropanın klub turnirlərinə 233 futbol komandası vəsiqə almışdı. İndi onların 80-i mübarizəni davam etdirir. 32 klub Çempionlar Liqasının, 48 klub Avropa Liqasının qrup mərhələsində yarışacaq. Qrup raundları gələn ay başlayacaq.
Mövsümə 4 komanda ilə start vermiş Azərbaycanın “Qarabağ” və “Qəbələ” komandaları Avropa Liqasının qrup mərhələsinə düşə bilib.
