İtaliya: zəlzələdə ölənlərin sayı 247-yə çatıb
İtaliyada baş vermiş zəlzələdə ölənlərin sayı 247-yə, yaralananların sayı 400 nəfərə çatıb.
Novator.az xəbər verir ki, xilasedicilər bütün sutkanı işləyirlər. İtkin düşənlərin sayı hələ dəqiq bilinmir.
Ölənlərin 190 nəfərinin meyitinin Rieti kommunasında, 57 nəfərin meyitinin Askoli-Piçeno əyalətində aşkarlandığı bildirilir.
İtaliyada zəlzələ avqustun 24-nə keçən gecə olub. 6 bal gücündə yeraltı təkanların episentri Akkumoli şəhəri yaxınlığına düşüb. Şəhərdə çoxlu bina dağılıb. İkinci yeraltı təkan yerli vaxtla 4:34-də Umbriya vilayətində baş verib. Latsio, Umbriya və Mark vilayətlərində daha çox dağıntıların olduğu bildirilir.
Avqustun 25-i səhər İtaliyada 4,7 bal gücündə yeraltı təkanlar qeydə alınıb.
